幾時結婚?!

有好多人都問我: "點解咁早結婚? 你知係呢個o架喇?!"

我o既答案係: "唔早喇! 我男就話早jei ... 對女仔o黎講, 差唔多o架喇!!! 咁o岩咪早D結婚, Settle Down件事, 就更加可以o向工作方面努力!"



"The One" ... 拍拖, 我真係永遠都唔覺得會搵到100%完全係Perfect o既伴侶; 而家唔係買o野, 諗住買返o黎係咁樣就永遠都係咁樣?! ... 一年兩年三年 ... 時間會令大家更加了解對方, 同時亦會發現大家o既問題 ... 每對Couple都一定會有問題o架啦! 而問題 或 缺點唔係決定大家仲係咪可以一齊, 而係大家o既態度係點?! ... 如果大家都識得去尊重對方, 體諒對方, 俾大家各自o既空間 ... 問題就自然唔係問題~



當大家都願意與對方作出承擔, 願意一齊去建立一個家, 就已經有足夠理由去提出結婚!!! 結婚唔係拍拖o既Achievement, 而只係兩個人感情o既一個開始 ... 唔好以為結o左婚就等於"成功", 呢個只係一個Check Point, 大家可以一齊走到最後, 先至係真正o既勝利, 人生亦得以圓滿!!!



拍緊拖 或 搵緊拖拍o既朋友, 希望你o地會努力啦!!!