常在我心

早兩日, 又o向Now度睇o左套舊片 - 常在我心

雖然只係中途插入去睇, 不過故事夠簡單, 好快就知道D來龍去脈 ... 一直支持阿Sa醫Cancer o既Eason, 原來自己都已經係末期胃癌病人, 無奈地唔願意同阿Sa一齊, 因為知道自己就快死~

 

甘! 一套好平淡o既戲, 冇咩大浪漫對白, 冇咩大悲傷場面 ... 不過足以令我流淚~

其中一幕, Eason望住佢阿哥一陣, 阿哥問佢: 係咪有咩想要呀? Eason好淡然輕鬆咁講: 冇! ... 嘩, 我已經忍唔住喇~~~

最後, 於葬禮上, 阿哥講返Eason問過o既一個問題:

當有兩個人去行山, 你唔小心差錯腳, 你o既朋友拉住你, 希望等到有人o黎幫手時, 可以救返你 ... 不過, 過了一個鐘頭, 你發現如果你再唔放心, 就會兩個都一齊跌落去, 臨放手前, 你會做D咩?

阿哥答: 我會講多謝啦!

Eason答: 呢一幕, 你朋友會一世都忘記唔到, 所以我會同佢做個鬼臉!!!

... 嘩頂!!! 吧吧聲我又開水喉喇!!!

 

我即時諗起野獸之瞳阿文跌落樓o既一幕 ... 個心度有一個感覺吧吧聲走出o黎, 唔知點講?! 好想喊, 又會想笑, 想笑又唔係真係會笑得出 ... 呢種感覺, 令我感到, 死亡並不可怕~

 

之前唔記得睇咩戲講過, 人生正因為有死亡, 才顯得有意義! 我希望可以用盡我o既生命, 創造更多意義出來!!!