我的墓園

死, 對我o黎講, 真係一樣幾 ... 唔知點講?!

我相信, 死之後我係一無所有, 我唔會上天堂, 唔會落地獄, 唔會變鬼, 唔會變神, 唔會有after life, 唔會有投胎, 唔會有輪迴 ... 好似之前首領個Blog提到, 就好似電視熄o左機咁, 黑晒, 冇晒聲, 冇晒畫面, 冇memory, 分別係, 死o左之後, 呢部電視唔會再著返!!!

怕, 冇錯, 我怕死! 我怕死因為我好希望我的生命可以帶來一D o野, 我希望身邊o既人會得到幸福, 我希望幫到身邊o既人得到幸福, 希望所有人的日子係開開心心!!! ... 我唔希望死會為身邊的人帶o黎傷感! 因為大家再傷心我都唔會知道, 我死後只係一件死物, 冇感覺, 冇記憶, 冇未來!!!

所以我唔希望死後仲要困o向個骨灰龕入面, 再放入個四方櫃度! 骨灰只係垃圾, 應該倒佢去垃圾場就差唔多, 等當中的炭呀, 其他chemical呀, 可以分解返落去泥土咪得lor~ 唔想到自己成為一件死物後, 都仲要咁無聊咁放o向度阻住個地球轉!!!