End

尋晚發o左個夢, 面臨世界沒日 (地球中心強大吸力, 類似黑洞力量), 甘在唔係仲有幾分鐘就死, 而係仲有幾日咁上下 ... 唔係全世界都知, 所以其他人都係過緊正常生活, 但自己同埋身邊的人都知道呢個"事實"將會來臨~ 眼見自己好多決擇問題, 好多掙扎 ... 好多o野都唔知應該點算!

呢個夢loop o左兩次:

1. 大約仲有一日, 生活上好多o野已經出現問題, 電話已經唔係好收到, 電視收得唔好等, 自己身處吸力附近, 屋企有震, 企都企唔穩, 出唔到門口 ... 想打電話, 打唔到, 想同家人講多一句的機會都冇, 面臨自殺與否的決擇 ...

2. 大約仲有幾日, 電視電話正常, 冇咁多人知, 見到屋企人, 朋友 ... 有好多o野想講, 想做 ... 但又覺得做o黎都無謂, 完全唔知自己想點~ 覺得再做任何o野, 都係冇用, 因為唔只自己會死, 身邊100%的東西都會一齊消失! 做咩都冇用, 做咩都無奈!

醒來, 無奈的醒來! 我再仔細諗諗, 首先確定人死後真係可以咩都冇晒~ 而如果要面臨將要消失的世界, 人只可以無奈的接受, 並一同消失! 而當中你再去做任何的事, 都係白費氣力!!!

當然, 我唔相信, 亦唔希望o向我有生之年, 會有咁的一日 ... 我相信人生要無憾, 就要把握今天, 活好現在~