十年

十年前的今日, 唔係咩特別的日子, 應該係考緊高考(A-Level)咁上下, 應該都有諗下大學真係想入咩科 (基本上都已經選o左係中大物理 > 港大物理 > 科大物理), 一心諗住讀物理, 副修地理, 向打入天文台進發~~~

十年後的今日, 物理?! 所剩無幾 ... 地理?! 差到冇人理 ... 唯獨係天文台一職, 尚算合理! 唔好攪錯, 我唔係入o左天文台工作, 只係我次次踢波都落雨, 真係準過天文台呀!!! ... 於工商界工作o左好幾年, 人變得市儈, 人變得自私, 人亦變得肥胖!!!

十年前, 18歲扑扑脆 ... 而家28歲骨都碎!

十年光景真係話咁快就過, 3653日 (有三個潤年) ... 無聲無色, 咁就走o左~ o黎緊o既十年, 又會係點?! 同我而家的目標, 又會有幾大出入呢?!