FiLA的由來

哈~ 發現原來都有唔少人叫我做FiLA ... 令我諗返起, 呢個代號的由來~ 首先, 我唔係FILA的fans, 我冇咩呢個品牌的product o架!!!

事源應該要追溯到1995-96年, 當年我Form3, 於中學的紅十字會青年團, 參加服務計劃籌委, 為肢體傷殘及健康兒童舉辦活動; 當時經常接洽中心負責人黃生, 唔知係佢聽錯, 定係佢講得唔正, 介紹完自己做Felix之後, 佢經常叫我做"Fe嘞同學", 叫下叫下, 成Team都跟o左佢叫 ... 自己都接受了!

跟住去到1997-98, 參加o左足球校隊, 教練要求球員如果自己要波, 要叫自己名, 唔好嗌"有" "我o既" ... etc, 冇人知 & 球証有權吹罰 (口術)! 咁叫Felix冇咁好叫, 又唔夠響, 就改口叫"FiLA", 夠響又夠聲! 清晰清脆~~~ 一聲"FiLA", 之後head晒, 勁爽~

跟住, 於球場上, 慢慢已經完全地叫o左做FiLA ... 當然, 踢波o既, 唔踢波o既, 都慢慢聽得多呢個名, 有時都會咁叫我~ 入到大學, 足球隊又好自然咁叫, 師兄姐又叫, 師弟妹又叫, 有D仲以為大家都係咁叫我, 所以跟住叫! Well~ 當然, 我好樂意大家咁叫我!!!

由一個美麗的誤會得來的名, 再用到足球場上熱血的我, 呢個名已經帶俾我好多場勝利, 失敗 ... 更緊要的係, 呢個名用親都係好開心的~~~