中大物理十年

足足十年了, 2000入學中大物理, 2003年畢業, 2005開始攪校友會直到今日~
中大物理呢十年, 咪又係咁~

回顧過去十年, 自己做過D咩?
2000入學, 已經決心要上莊, 攪大物攪細物, 仲係一心諗住讀MPhil, 入天文台!
2001年上莊, 做咩都要夠響, 因為團結的動力, 不只係系內各Year熟就可以, 要令大家覺得身為中大物理而自豪, 就要型俾外人睇!
2002年做細O大組長, 再一次知道自己, 只要頹過, 就可以畢業, 專心攪足球隊!
2003年真係畢業喇, 幫手成立校友會, 不過就冇做committee!
2004年身處大陸, 忙!
2005年睇唔過眼, 決定接手攪校友會, 出一本見得人的刊物, 攪一個一百人的聚餐!
2006年校友會人手短缺, 不過不失吧?!
2007年開始穩定人腳, 開展另一個階段, 成立獎學金等~
2008年攪新網頁, Domain (cupaa.org), 轉移電子化宣傳及匯報, 擴大宣傳渠道!
2009年大減會費, 造福後人?!
2010年開始攪學長計劃, 會員証, 會員優惠等~~~

超, so what??? ... 睇返, 其實真係冇咩料到! 攪咩都好, 吃力不討好地換來 ... ? nothing!!! 真係冇!
以下係我自己老作的回應:
校友 ... 好客氣的多謝我o地咁有"心" (背後可能只係覺得你班友冇o野做, 搵o野做!)
學生 ... 彩你都傻, 關我差事?! 咪煩啦, 你班老o野死開啦~ out晒 (而家抄o野, hea攪先係王道!)
系方 ... 有校友會都幾好 (冇其實都係咁o架啦!)
AAO ... 辛苦晒, 不過大家都係咁! (打份工jei!)

放棄是容易, 堅持是戇居! 為咩?!

... 可惜我的確是戇居的!