我的問題面

情緒

情緒波動甚至崩潰對我o黎講, 比玩跳樓機更恐怖!
一個平日看似開朗活躍的我, 好難令人相信!

基本上, 我的情緒問題, 大多數的時候, 都係收收埋埋, 俾一個開朗活躍的自己完全掩蓋, 掩飾o既能力, 可以係完全冇人睇得出! 仲可以反過來逗人開心, 幫人解憂~

可能我係唔需要其他人幫手, 更可能係我唔識得去搵人幫手, 所以去到情況嚴重的時候, 我都唔會亦唔想搵人傾訴! 即使傾, 都會抑壓住去分享, 看似冇咩事咁!!!

原因分析
1. 性格: 痴線 ... 做咩都好, 諗o野太多, 亦去得太快!
2. 自負: 長子、大哥的地位, 不願意去做弱者!
3. 無能: 正所謂周身刀, 冇張利, 沒有舒壓的途徑, 沒有achievement或者事可以為自己鼓舞!

近年, 發現自己對所做的好多事, 都沒有一個明確的方向及目標, 而且對身邊所發生的事, 都好納悶咁! 面對問題、事情, 自己就好似一個trouble-shooter咁, 理性地解決問題就算了! ... 快快處理事情, 再搵新的事物去掩蓋負面情緒!

因為我相信, 忙, 可以俾我去逃避, 俾我情感上得到休息 ... 冇錯, 有時真係可以的! 大多數的時間, 都可以的~

活在別人的快樂

早幾日, 自己一個人o向屋企, 開隻Yanni Vocal o黎睇, 感覺好relax, 好enjoy! 發現, 自己已經好耐好耐, 冇咁樣的機會, 俾自己完完全全咁休息一下, 享受一下! 發現, 自己日常的快樂, 往往都來自身邊的人的快樂 (或者唔快樂 ... 邪惡面)!

我的情感, 好易受人影響, 大圍人開開心心, 自己就會覺得我都係開心的~ 就此都會係動力俾我去攪下活動, 俾大家玩多D, 開心多D~ 所以我成日都覺得, 我唔係鍾意玩, 我係鍾意安排活動俾大家玩 ... 我可以攪, 而自己唔參與, 幫埋大家影相紀念都仲得, 影到大家開開心心, 自己就好似都有份咁!

我到底自己想要咩o野? 簡單睇套電影? 聽下歌? 滿足朋友圈的快樂? ... 到底有咩係我想要?